Zerbitzu honek langileak hautatzeko prozesua errazten die enpresei, eskaintzak profil egokiena duten pertsonei helaraziz
Donostiako Sustapenak, hiriaren garapen ekonomiko jasangarriaz arduratzen den udal sozietateak, 6. Enplegu Azoka antolatu du. Bertan, berrogei enpresak baino gehiagok 1.500 lan aukera eskainiko dituzte, hainbat arlo (ingeniaritza, informatika, ostalaritza, zerbitzu pertsonalak, bankuak, administrazioa...) eta udalerritan. Maiatzaren 14 eta 15ean izango da azoka, Cemein (Enpresa Berritzaileentzako Udal Zentroa).
Langile bila dabiltzan enpresek eta lan bila dabiltzan pertsonek bat egiteko topagune emankorra eskaintzea da ekimen honen helburua.
Berriz ere, emaitza eraginkor bat lortzeko eremu eta tresnak jartzen ditu Donostiako Sustapenak hiriaren hazkunde sozioekonomikoaren protagonista nagusien esku.
Aurrez ezarritako hitzorduen bidez, lanerako pertsonarik egokienak hautatzeko aukera izango dute enpresek. Donostiako Sustapenak enpresei eskaintzen dizkien zerbitzuetako bat da hau; izan ere, Enplegu Azokari esker, asko errazten da langileak hautatzeko prozesua.
Era berean, hobetzeko aukera baten bila dabiltzan pertsonek eskaintzarik egokienak aurkituko dituzte.
Maiatzaren 5etik 12ra Donostiako Sustapenak aurretiko orientazio zerbitzua eskaini eta elkarrizketetarako hitzorduak emango dizkie lan egoera hobetu nahi duten pertsonei
Donostiako Sustapenak aurretiko hitzorduak ezarri ditu, enpresek pertsonarik egokienak elkarrizketatzeko eta zerbitzua eraginkorragoa izateko.
Elkarrizketetarako hitzordua eskatzeko, maiatzaren 5etik 12ra, astelehenetik astelehenera, Cemein (Portuetxe, 23) izango den izen-emate eta aurre-aukeraketa prozesura jo behar dute hautagaiek eta argazkiz lagundutako curriculum eguneratuaren hiru kopia eraman behar dituzte. Donostiako Sustapeneko teknikariek enpresen eta hautagaien beharrak aztertu eta orientazio zerbitzua eskainiko dute prozesua bizkortzeko.
Aurretiko izen-ematea http://www.fomentosansebastian.org webgunean egin daiteke. Informazio gehiago behar dutenek 943481764 telefonora deitu edo fomentoempleo@donostia.org helbidera idatzi dezakete. |
