Arau hauek Edonostia.Net ekimenean (aurrerantzean Edonostia.Net) Teknologia Berrien Zentroetan (aurrerantzean, Zentroak) eskainitako instalazio eta zerbitzuetara sartu eta hauek erabiltzeko baldintzak ezartzen dituzte. Instalazioetara sartze hutsak eta Zentroetako zerbitzuak erabiltzeak ERABILTZAILE izatea dakar. ERABILTZAILE izate honek nahitaez eskatzen du ERABILTZEKO OINARRIZKO ARAU hauek aldez aurretik eta erabat eta osorik onartzea, eta horiek ATARIAREN LEGEZKO OHARREN barne harturiko arauak ere biltzen dituzte www.edonostia.net: ATARIA erabiltzeko baldintzak, Jabetza Intelektualaren Oharra, Datu Pertsonalen Politika, eta erabiltzeko baldintza partikularrak, halakorik balego. ERABILTZAILEAK arau hauetan bilduriko baldintzak betiere zorrotz betetzen baditu sartu eta erabili ahal izango ditu Zentroetako zerbitzuak. Zentroek, dagozkien ekintzak gauzatzeko aukeraz gain, eurentzat gordeko dute sartzea ukatzeko baimena, eta baita ere Zentroetarako, edukietarako eta zerbitzuetarako sarbidea kendu, eten edota blokeatzeko eskubidea, aldez aurreko abisurik gabe, erabiltzeko arauak eta aplikatzeko diren gainerako legezko abisuak, norabideak edota legezko baldintzak betetzen ez dituzten erabiltzaileei:

1. Helburuak. Donostiako Udalak eskainitako eta hornituriko espazioa dira Zentroak, eta herritarren, eragile sozioekonomikoen, hezkuntza-mailakoen, gizarte-mailakoen eta abarren artean Informazio eta Komunikazioaren Teknologien erabilera hurbildu, ezagutarazi, hartara sentsibilizatu, bultzatu eta ahalbidetzea dute helburu. Zentroak ez dira zentro ludikoak eta bertako zerbitzuak hainbat arrazoi eta interes direla-eta erabiliko dira: kulturalak, hezkuntza-mailakoak, dibulgazio-mailakoak, profesionalak, ikerketa-mailakoak... Zentroek haurrentzako Tailerrak garatzen dituzte Teknologia berrien aukeretan hezi eta irakasteko.

2. Erabiltzaileen erregistroa. 2.1. Herritar guztiek libre dute Zentroetara sartzea. Zentroetara eta eskainitako zerbitzuetara sartzeko, erabiltzaileak aski du erregistratzea, nor den egiaztatuta eta erabiltzeko arauak onartuta. (www.edonostia.net) ATARIAREN bidez eginiko sarrerako izen-emateak gero Zentroetan behin-betiko erregistratzearekin osatu beharko dira.
2.2. Gutxienez zortzi (8) urtetik gorako adingabekoek euren gurasoen edo legezko ordezkarien idatzizko baimena beharko dute erregistratzeko, azken hauek aldi berean erabiltzaile bezala erregistratuak egon beharko direlarik.
2.3. Zortzi (8) urtetik beherakoek ez dute erregistratu behar eta betiere heldu batekin egon beharko dute, adosturiko hitzorduetan izan ezik.

3. Zentroetako ondasunak. Altzariak, ekipoak, sistema informatikoak, edukiak eta zerbitzuak Zentroenak dira eta bere horretan errespetatu behar dira. Erabiltzaile bakoitzak bere esku utzitako material, eduki, ekipo eta sistemak zaintzeko ardura du, eta errespetuz jokatu behar du zentroetako gainerako erabiltzaileekin. Erabiltzaile bakoitza izango da bere ekintzen eta Zentroetako ondasunetan eragiten dituen kalteen arduraduna.

4. Zerbitzuak. Zentroen helburuak kontuan izanda, Interneteko zerbitzuak egoeren arabera murriztu ahal izango dira.

• Oro har, Zentroek ezarritako nabigazio-zerbitzua erabiltzeko gehienezko muga hau da: ordu bat (1) eguneko / erabiltzaileko. Dena den, zentroek egoeren arabera aldatu ahal izango dute muga hori, eta erabiltzaile jakin bati nabigazio-zerbitzua zabaldu, murriztu edota ezeztatu ahal izango diote Zentroek hori beharrezkotzat jotzen badute euren helburuak betetzeko eta arauak errespetatzeko.
• Zentroek aldi baterako murriztu ahal izango dute nabigazio-zerbitzua, eta euren helburu eta xedeetarako desegokitzat jotzen dituzten eduki edota zerbitzuak mugatu eta haietara sartzea debekatu ahal izango dute.
• Zentroek ez dute zentroetako erabiltzaileek egiten duten erabilera kontrolatzeko inolako obligaziorik euren gain hartuko. Dena den, zentroek erabiltzaileei jakinaraziko diete nahi dutenean, modu aleatorioan eta aldez aurreko abisurik gabe, Zentroetan garatzen diren jarduerak, zerbitzuak eta edukiak kontrolatu eta monitorizatu ahal izango dituztela (maila fisikoan, ikus-entzunezkoan eta informatikoan).

5. Jarduerak eta Edukiak.

5.1. Erabiltzaileak legearen, moralaren, onarturiko ohitura egokien edo ezarritako ordena publikoaren aurkako jarduerak edo helburu edo ondorio ez-legezkoak edo hirugarrenen eskubide edo interesetarako kaltegarriak diren jarduerak ez egiteko konpromisoa hartuko du.
5.2. Ildo horretatik, Zentroek espresuki debekatzen dute nabigazio-zerbitzua ondokoetarako erabiltzea:
· Ondoko mezuak dituzten orrietara sartzeko: eduki pornografiko edota sexual esplizitukoak, haurren eta gazteen babesaren aurkakoak; ondoko jarduketa-motak eragin, sustatu edo haietara bultzatzen dutenak: (a) diskriminatzailea edo bortitza sexua, arraza, erlijioa, sinesmena, adina, izaera edota minusbaliotasuna dela-eta, (b) delituzkoa, iraingarria, difamaziokoa edota bortitza.
· Ondoko orri edota edukietara sartzeko: birusak edo beste edozein kode informatiko eta edozein ordenagailu-programa, ekipo edo sistema informatiko suntsitu, blokeatu edo haien funtzionamendua mugatzeko diseinaturiko artxibo edo programak dituztenak; hirugarrenen intimitatearen aurkakoak, hartan sartzen direnak edo hari kalte eragiten diotenak; jabetza intelektualeko, industrialeko eta jabetzaren eta hirugarrenen nortasunaren beste edozein eskubide urratzen dituztenak.
5.2. Era berean, erabiltzaileak ez ditu erabiliko Zentroak emandako eduki edo zerbitzuei kalte egin, haiek gauzaeztandu, gainkargatu, hondatu edo haiek behar bezala baliatzea saihestuko duten edukiak edota zerbitzuak.

6. Datu pertsonalak. Datu pertsonalak babesteko indarrean dagoen Espainiako legeria betez, Zentroek erabiltzaileari informatuko diote bere datu pertsonalek tratamendu informatizatua izango dutela zentrora eta zerbitzuetara sartzea kudeatzeko. Dokumentu honen bidez, erabiltzaileak bere datuen tratamendu informatikorako ematen duen baimen zehatz eta nabaria adierazi du, eta Zentroaren Datu Pertsonalak Babesteko Politikarekin ados dagoela, eta datuak eman aurretik irakurri duela aitortu du. Era berean, Zentroek jakinarazten dute sartzeko, zuzentzeko, indargabetzeko eta aurka jotzeko eskubideak baliatu ahal izango dituztela posta elektronikoaren bidezko arduradunaren aurrean: info@edonostia.net edo posta konbentzionalaren bidez zentroen helbideetara.

7. Arau Berriak: Zentroek ahalmena izango dute edozein unetan Erabiltzeko Oinarrizko Arauak zein zentroetan eta eskainitako zerbitzuetan bilduriko legezko abisuak, norabideak edota erabiltzeko baldintza orokorrak ordezkatzeko, eta kasuak kasu, hemen hitzarturiko Erabiltzeko Arauak osatu edota ordezkatuko dituzte. Arau Berriak berehala aplikatuko dira erabiltzaileen esku dauden unetik. Hori dela-eta, Zentroek Arauak aldian behin kontsultatzea iradokitzen dizute.