Horretarako, 3 jarduera ildo garatu dira hasieran:

1. Edonostia.net-Teknologia Berrien Zentroak : Teknologia Berrien Zentroen Sarea sortzea. Zentro horiek hiriko auzoetan jarri dira, eta horien helburua herritarrei IKTak erabiltzeko aukera ematea eta teknologia horien erabilerari buruzko sentsibilizazio lana egitea da, Haustura Digitalik gerta ez dadin. Herritarren alfabetatze digitalari esker, herritarrek aro digital berrian trebatzeko eta on line zerbitzuez baliatzeko
aukera izango dute.

2. Edonostia.net-elearning : etengabeko heziketa eredua garatzea, elearning-en oinarritua, hiriko zenbait kolektiborentzat egina (langabeak, langileak, enpresak, gizarte eragileak, erakunde publikoetako langileak eta, oro har, herritarrak), lanbide profil berriekin zerikusia duten laneratze aukerak, garapen profesionalerako aukerak eta trebakuntza aukerak ugaritzeko, eta alfabetizazio digitala irekia zabaltzeko.

3. Edonostia.net-WiFi : haririk gabeko konexioak eta mugikortasuna sustatzea, haririk gabeko teknologiari (wireless) buruz hirian egiten diren proiektuak barneratuz eta koordinatuz. Horretarako, berariazko helburu hauek jarri dira :

a. WiFi estandarrean oinarritutako haririk gabeko udal sarearen azpiegitura sortzea.
b. Mugikortasuna/ubikuotasuna sustatzea zerbitzu berritzaileen bidez (m-learning, edukiak pertsonaren lokalizazioan oinarrituta, lan ingurune berriak, udal zerbitzu mugikorrak , ea.)
c. Hirian gune pilotu bat izatea, haririk gabeko teknologiaren sektoreko enpresa berriak sortzea bultzatzeko (startup).
d. Hiritarren arteko elkarreraginerako modu berriak probatzea (gizarte sareak, hiritarren komunitateak eta abar).